Un proxecto de silvopastoreo para consolidar a revitalización de Vieiros

Mónica Freire, visitando o Proxecto Vieiros. Foto GPVDL.

Medio Rural da Deputación de Lugo apoia a consolidación da revitalización da aldea de Vieiros, en Quiroga, que está a desenvolver a Asociación Proxecto Vieiros. A través dun convenio de colaboración, a área dirixida por Mónica Freire, achegará financiamento para as accións previstas pola entidade que reúne a veciños e propietarios dos terreos da aldea do Courel, converténdose así na única administración que está a dar respaldo a esta iniciativa.
O apoio céntrase no impulso da iniciativa “Vieiros con vida” co que queren desenvolver un modelo sustentable de pastoreo que, ademais de xerar un recurso económico para o asentamento da poboación, contribúa á limpeza dos montes e á prevención de incendios. A achega de Medio Rural destinarase á adquisición de animais e elementos básicos para iniciar o proxecto de incorporación á actividade agrogandeira.
“Asesorándonos por persoal técnico, pretendemos incorporar ovellas e cabras que se encargarán, baixo a atenta mirada de dous mastíns e un burro, de coidar e limpar o monte. Os animais son a mellor ferramenta para evitar incendios como os que desaloxaron entre fume e cinzas aos habitan-tes de O Courel”, explica Roi Estévez, responsable do proxecto e veciño de Vieiros, que apostou pola volta ao rural para habitar esta aldea que quedara despoboada.
A deputada Mónica Freire explicou que “claramente proxectos como o de Vieiros son un exemplo de iniciativas viable, tanto dende un punto de vista social, como ambiental e económico que poden contribuír a reverter a situación demográfica do rural e especificamente das zonas de montaña como o Courel».
O convenio de colaboración de Medio Rural da Deputación ten unha dotación orzamentaria de 8.500 euros.•

Deixa unha resposta

Your email address will not be published.

Nova Anterior

O Aceite de oliva virxe extra (AOVE) de Quiroga presente en Fitur

Seguinte Nova

Alumnos da Fundación Belarmino Fernández visitan Madrid Fusión 2023

Últimas noticias sobre O MUNDO DO VIÑO E DO AGRO

A %d blogueros les gusta esto: