Centos de cidadáns maniféstanse na Praza de España pola Sanidade Pública do Sur de Lugo

• Convocados pola Plataforma en Defensa da Sanidade Pública (PLADESAPU) o pasado día 6 de febreiro, concentráronse baixo o lema «a sanidade non se vende, a sanidade deféndese»

Varios centos de persoas acudiron para apoiar a iniciativa da Plataforma en Defensa da Sanidade Pública. Foto PILI CHAOS.

Unha vez máis Monforte respondeu á chamada da Plataforma en Defensa da Sanidade Pública (PLADESAPU) para manifestarse contra o desmantelamento que na súa opinión se está a producir na sanidade do noso distrito, que entenden que empeorou de xeito exponencial tras a perda da área sanitaria e centralizar todo en Lugo. Dende a Plataforma están a traballar de arreo para concienciar a cidadanía da importancia de defender o sistema público de saúde. Por iso, fixeron unha chamada á participación, pois, según os convocantes, temos moito en xogo, «o dereito a saúde é algo que non nos poden arrebatar, e defender o noso sistema público é algo que nos incumbe a todos». A poboación respondeu, como vén sendo habitual Monforte perdeu a súa industria, perdeu poboación e desángrase económicamente, e non vemos movilizacións. Pero na defensa da sanidade, asoma en Monforte ese carácter reivindicativo e loitador que históricamente tivo, aínda que agora parece esquecido. E foron varios centos as persoas que encheron a Praza de España de Monforte para apoiar a movilización, que levantaron a súa voz para deixar moi claro que non se van manter parados mentres sigan vendo como día a día a situación da asistencia sanitaria segue a degradarse.
Esta manifestación supón o comezo dunha serie de movilizacións que se seguirán levando a cabon nos vindeiros meses. A primeira será a manifestación do próximo domingo día 12 en Santiago de Compostela, convocada ás 12h pola Plataforma SOS Sanidade Pública. De feito, dende a Plataforma poñerán autobuses todo aquel que queira acudir, de xeito gratuito, que partirán do aparcadoiro da Compañía ás 9.30h e pararán en Escairón e Chantada para recoller a todo aquel que se queira unir para volver en canto remate a Manifestación. Os interesados en acudir deben confirmar asistencia para facer uso dos autobuses mediante redes sociais (en Instagram: @pladesapu__monforte; e Facebook: Pladesapu Monforte), ao correo electrónico pladesapumonforte@gmail.com ou na Aula 1 da UNED o mércores pola tarde.
Tamén recollerán sinaturas para presentar a ILP que pide a implantación dunha serie de medidas para revitalizar e fortalecer os mecanismos sanitarios da Atención Primaria como parte esencial e distintiva do Sistema Sanitario Público Galego.•

Deixa unha resposta

Your email address will not be published.

Nova Anterior

O BNG urxe resolver as deficiencias de transporte público en O Courel

Seguinte Nova

EXPOSICIÓN DE JESÚS DÍAZ FERRER

Últimas noticias sobre PORTADA

A %d blogueros les gusta esto: