María Cedrón, subcampiona de España sub23 nos 3.000 metros, unha nova figura emerxente no atletismo monfortino

Fulgurante está a ser o arranque de ano para a atleta monfortina María Cedrón, que adestra co equipo Adas do Barco. Se a finais de xaneiro, a nova atleta de só 22 anos, proclamouse campioa galega absoluta e sub23 na categoría reina do medio fondo, os 1.500 metros en pista cuberta, cunha marca de 4:26:53, que ademais lle permitirá competir no próximo campionato de España a celebrar os días do 17 ao 19 de febreiro de 2023 no Centro Deportivo Municipal Gallur de Madrid, o pasado día 29 María Cedrón, defendendo as cores de Galicia no Nacional Sub23 de Campo a Través disputado en Ortuella (País Vasco), alzouse co sétimo lugar, contribuíndo a que o equipo de Galicia proclamásese campión de España, logo dunha igualada carreira na que levaron o triunfo por un só punto de vantaxe. E aínda por riba, a pasada fin de semana, no campionato de España sub23 celebrado en Antequera, María Cedrón levou a medalla de prata na categoría de 3000 metros, cunha marca de 9:46.91. Tres competicións fantásticas no que vai de ano e a oportunidade de competir no campionato de España absoluto. Inmellorable comezo de tempada. •