Chantada reforza os equipos de emerxencias fronte ás nevaradas

maxe do acto de entrega de coitelas quitaneve no concello de Chantada. Foto GPXG.

O director xeral de Emerxencias e Interior, Santiago Villanueva, acompañado do delegado territorial da Xunta en Lugo, Javier Arias, participou hoxe na entrega de coitelas quitaneve aoconcello de Chantada. O equipamento forma parte da liña de axudas de 2022 dirixida a concellos de menos de 50.000 habitantes que conten con Agrupacións de Voluntarios de Protección Civil (AVPC), dotada con 1M€ euros. Coas de hoxe, o número de coitelas entregadas ascende a máis de 50, ás que se suman 10 cuñas. Na cesión destes equipamentos teñen prioridade os as entidades locais cunha altitude media superior aos 800 metros segundo o establecido no Plan de protección civil ante o risco de nevadas en Galicia (NEGA).
Segundo explicou o director xeral, as coitelas cedidas permiten un desaloxo eficaz da neve e poden ser instaladas en diferentes vehículos pick up grazas aos seus bastidores específicos de montaxe. Dotadas de rascadeiras de aceiro de alta resistencia á abrasión, a estrutura da máquina está deseñada para proporcionar a máxima resistencia e asegurar unha repartición adecuada dos esforzos ao ancho de toda a superficie da folla quitaneves. Santiago Villanueva incidiu no compromiso da Xunta cos servizos de emerxencias dos concellos, pese a tratarse dunha competencia municipal no caso das localidades de máis de 20.000 habitantes e das deputacións provinciais nos de menor poboación.•

Deixa unha resposta

Your email address will not be published.

Nova Anterior

O BNG denuncia a deficiente dotación sanitaria do sur de Lugo, e a Xunta anuncia concurso de méritos para 25 prazas médicas

Seguinte Nova

O xeodestino Ribeira Sacra suma 10 novos servizos turísticos co distintivo “Compromiso de Calidad Turística”

Últimas noticias sobre INFRAESTRUTURAS

A %d blogueros les gusta esto: