Daniel Camino gaña o Concurso de Carteis da XLIII Feira do Viño de Amandi

O Concello de Sober vén de fallar o concurso do cartel que anunciará a XLIII Feira do Viño de Amandi, que se vai celebrar os días 31 de marzo, 1 e 2 de abril, coincidindo como é habitual co fin de semana do Domingo de Ramos.
O mozo, natural de Arzúa e residente en Monforte de Lemos, Daniel Camino Barral foi o gañador do certame, no que este ano participaron preto de 30 persoas con orixinais chegados desde diferentes puntos do Estado.
Daniel Camino é deseñador gráfico e proximamente abrirá un estudo en Monforte. Gañou en dúas ocasións o certame de carteis da Feira do Queixo de Arzúa e foi finalista noutros concursos, como o dos San Fermíns de Pamplona, o do Festival de Cine de San Sebastián ou o concurso de Terras Gauda.
O xurado do certame estivo coordinado por Rodrigo Coucheiro, o gañador do concurso no ano 2019, quen elixiu o cartel presentado por Daniel Camino Barral.

Presentación do cartel
O deseño que anunciará a Feira do Viño de Amandi foi presentado oficialmente xunto aos restos arqueolóxicos do hórreo romano de Proendos o sábado 4 de Marzo as 12:00 de mediodía, data na que se deu a coñecer a programación do mes do Amandi e o programa de actividades da XLIII Feira do viño de Amandi. Este ano por vez primeira a feira dará comezo na xornada do venres pola tarde. •

Deixa unha resposta

Your email address will not be published.

Nova Anterior

O xeodestino Ribeira Sacra suma 10 novos servizos turísticos co distintivo “Compromiso de Calidad Turística”

Seguinte Nova

XLI FEIRA DO VIÑO DE QUIROGA

Últimas noticias sobre O MUNDO DO VIÑO E DO AGRO

A %d blogueros les gusta esto: