ESPECIAL ENTROIDO 2023

Imaxinación e moita festa no Entroido no sur de Lugo

SARRIA

As rúas de Sarria enchéronse de animación na tarde do Domingo de Entroido. As comparsas multitudinarias ofreceron espectáculos cheos de cor e imaxinación, con participación de públicos de todas as idades. Os disfraces individuales puxeron a nota humorística nunha tarde na que o tempo acompañou, permitindo que o numeroso público reunido nas rúas gozase deste gran desfile. (Fotos: MATEO LÓPEZ) •

QUIROGA

Gran tarde a do Domingo de Entroido en Quiroga,con boa temperatura climática e festeira. A gran cita coa creatividade e a imaxinación recuperou o seu esplendor logo das limitacións impostas pola pandemia. A mocidade sumouse a esta iniciativa, amosando novas propostas e participando nas grandes comparsas con nenos e maiores.
Non faltaron as referencias históricas nos disfraces, ademáis da crítica humorística e a ensoñación con suxerencia do mundo Disney.
A pé de rúa, o público cumpriu acompañando aos participantes no desfile nunha xornada festiva que deixou moi bo sabor de boca en Quiroga.
(Fotos: GLT) •

SOBER

En Sober, o Sábado de Entroido comezou co desfile de comparsas pola rúa, para continuar no pavillón coa festa de disfraces e o recuperado Baile da Cachucha. Os máis pequenos desfrutaron tamén dos inchables, xogos e merenda nesta tarde de festa. (Fotos Montero).

BÓVEDA

Os municipios do sur de Lugo celebraron o Entroido con diversas actividades. Desfiles, festas gastronómicas e tradicións centenarias déronse cita nas diversas localidades, rexistrando unha boa participación en comparsas e público.

BROLLÓN

Oso de Salcedo saiu co seu esplendor centenario a dar batalla polas rúas desta aldea da Pobra do Brollón. Este Entroido, único en Galicia, é unha das citas máis senlleiras no calendario festivo da nosa Comunidade. Os visitantes reciben a súa dose de tizne da man do propio Oso, nun ritual de gran valor lúdico e tamén etnográfico. (Foto: MONTERO)

CHANTADA

O Entroido Ribeirao de Chantada mantén unha das tradicións de Entroido máis singulares de Galicia. (Foto: C. CHANTADA)

MONFORTE

Espectaculares deseños pasearon polas rúas de Monforte durante a celebración do Martes de Entroido. Tamén o humor e a crítica política non faltaron no Entroido de Monforte, traspasando incluso as fronteiras locais. (Fotos: MONTERO)

ENTERRO DA SARDIÑA

• ADEUS, ENTROIDO. As tradicións mantéñense no calendario festivo de Monforte. No Entroido, o ritual máis tristeiro é o Enterro da Sardiña, no que se despide ata o vindeiro ano a emoción e a troula típicas destas datas. (Foto: MONTERO) •

Related Posts

Redacción

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Pantón, capital galega do Enduro

Seguinte Nova

A Xunta convocará axudas para mellorar a eficiencia enerxética en vivendas e edificios de uso residencial

Últimas noticias sobre CULTURA

Ir aInicio

Don't Miss

Estudantes do CPR Belarmino Fernández realizarán prácticas en Francia e Italia

Dous

O Pazo de Tor acolle a exposición “Soterradas: vidas e historias”

O