XLI FEIRA DO VIÑO DE QUIROGA

Días 7, 8 e 9 de abril de 2023

O pasado mércores presentábase oficialmente a que será, segundo o Alcalde de Quiroga, Julio Álvarez, a Feira do Viño con máis atractivo dos últimos anos, tanto dende o punto de vista lúdico como das adegas participantes.
Na presentación o rexedor local estaba acompañado do coordinador xeral da comisión organizadora, José Manuel Pol, do coordinador da parte vitivinícola, Pablo González, e de varios representantes das adegas participantes.
O adegueiro Pablo González centrou a importancia da Feira do Viño de Quiroga nos colleiteiros que participaron no seu momento e agora nas adegas “que están punteiras a nivel mundial en elaboración”. González presentou a xornada do venres 7 de abril na que se celebrarán unhas xornadas de viticultura heroica e un túnel do viño no que participarán tres adegas canarias invitadas a través do Cabildo Canario.
O túnel do viño estará atendido por alumnos e formadores da Fundación Belarmino Fernández.. José Manuel Pol encargouse de presentar o programa da feira, que comezará co desfile da Confraría do Viño o domingo día 26 de marzo, a exposición “O Camiño Ilustrado” e o concurso Quiroga de Tapas, entre o 29 de marzo ata o 7 de abril. Tras a xornada dedicada a viticultura heroica o sábado 8 de abril comezará co Certame Celtibérico de Bandas de Gaitas tras a inauguración da feira polo Vicepresidente 2º e Conselleiro de Presidencia, Xustiza e Deportes, Diego Calvo Pouso. Actuacións no Auditorio Municipal, pregón a cargo do polifacético Carlos Sobera, presentado por José Manuel Parada e Tania Taboada; concurso de camisetas e música de todos os estilos formarán parte do amplo programa organizado para a XLI edición da Feira do Viño de Quiroga. •

Deixa unha resposta

Your email address will not be published.

Nova Anterior

Daniel Camino gaña o Concurso de Carteis da XLIII Feira do Viño de Amandi

Seguinte Nova

Continúan os traballos para a XLI Feira do Viño de Quiroga

A %d blogueros les gusta esto: