Celeste Rodríguez Pombo repite como candidato do PSdeG-PSOE do Saviñao despois dos bos resultados de 2019, cando conseguiu cinco dos once concelleiros que se disputan neste concello. A última asamblea celebrada polos socialistas saviñaos coa asistencia da maioría dos afiliados nomeouno por aclamación. Rodríguez Pombo, axente facultativo medioambiental, é militante socialista dende os 18 anos e dende o 2011 é un habitual nas listas socialistas. Foi en 2015 cando, por primeira vez, presentouse como candidato á alcaldía; acadando catro concelleiros co 37,07% dos votos.
Repetiu en 2019, cunha tendencia ascendente, conseguindo o 40,26% dos votos e chegando aos cinco concelleiros, a un da maioría absoluta.A lista está xa en elaboración “haberá algunha renovación, pero mantense a maioría dos integrantes que nos presentamos en 2019 e que continuamos cun proxecto claro e ilusión de poder acadar un futuro mellor para o Saviñao”, declara Celeste R. Pombo.
A nosa prioridade é O Saviñao, presentámonos ás eleccións tendo claro que a política é unha función pública e que nós, como representantes dos e das veciñas, estamos aí para debernos ás súas reclamacións e tentar de solucionar os seus problemas, loitando por unha vida e futuro mellor”, explica Rodríguez Pombo. •
