Veciños de Parteme reúnense coa Deputación para mellorar os servizos neste núcleo

Representantes da Asociación de Veciños de Parteme, aldea da parroquia de Nocedo, mantiveron un encontro coa voceira socialista do Goberno provincial e responsable da área de Réxime Interior, Promoción do Territorio e Turismo, Pilar García Porto e expuxéronlle as necesidades desta aldea, entre as que destaca a necesidade de obras que posibiliten o acceso de ambulancias ó núcleo de poboación. Os veciños de Parteme valoraron de xeito moi positivo a colaboración cos concellos que vén desenvolvendo a Deputación. Pilar García Porto escoitou a exposición e comprometeuse a estudar a situación para ver as posibilidades de dar resposta a unha demanda “que concorda coas grandes liñas de traballo que desenvolvemos en cooperación cos concellos, como son a aposta pola mobilidade e, dende logo, garantir que todos os veciños, vivan onde vivan, teñan acceso a unha atención sanitaria de igual calidade”. •