O conselleiro do Medio Rural, José González, visitou recentemente a Almazara de Ouro de Quiroga, no marco da visita dunha delegación andaluza a distintas iniciativas de apoio ao desenvolvemento rural. Trátase dunha terra cunha ampla tradición oliveira, que cultiva, produce e envasa en Galicia, polo que o seu aceite é 100% autóctono. O conselleiro valorou positivamente esta iniciativa, acreditada pola súa singularidade por varios centros de investigación, ao ser un proxecto impulsado por mozos da zona para a recuperación dos produtos autóctonos e tradicionais.•
