Ana Pontón, portavoz nacional, asistiu á presentación de Emilio Sánchez como candidato do BNG á Alcaldía de Monforte

Ana Pontón: “Emilio Sánchez é a persoa idónea para avanzar con paso firme cara a un Monforte mellor e con futuro”. Foto GPBNG.

A portavoz nacional, Ana Pontón, asistiu á presentación de Emilio Sánchez Iglesias como candidato do BNG á Alcaldía de Monforte, ao que definiu como “sinónimo de coherencia, compromiso, entrega, traballo, coñecemento e ilusión”.
Pontón recalcou que “Monforte precisa un tempo novo, pero tamén seguir buscando nos seus tesouros, aproveitando os seus recursos e desenvolvendo as posibilidades de futuro”. A líder do Bloque deixou claro que Emilio Sánchez é “a aposta do BNG con experiencia e unha persoa que vai poñer sobre a mesa para construír un futuro mellor”. En consonancia con isto, puxo sobre a mesa a xenerosidade e dedicación que caracterizan a Emilio Sánchez, presentándoo como “a persoa idónea para dar pasos firmes cara a un concello máis humanizado e deseñado a medida das persoas”. Falar de Monforte é falar de historia e patrimonio, mais tamén quere ser unha cidade moderna, adaptada aos tempos actuais, que aproveite a súa condición de capital da Ribeira Sacra. “Estamos nun concello que con Emilio na alcaldía será un Monforte novo, cun PXOM actualizado, cunha zona histórica rexenerada, con máis oportunidades económicas, con mellores servizos e un rural con posibilidades para as persoas”, indicou Pontón, engadindo que “tamén se apostará por un turismo sustentable, que coide e poña en valor o rico patrimonio histórico e natural do concello”. Según Ana Pontón, “o BNG, onde goberna, demostra que ten un modelo municipal transformador que fai avanzar en positivo”, indicou a portavoz nacional. Pontón quixo tamén poñer de exemplo o modelo transformador do BNG en concellos como Ribadeo, Foz, Muras, Pontevedra ou Allariz e indicou que “Monforte merece un goberno que crea nas súas posibilidades e traballe para desenvolvelas como fará o equipo que forma a candidatura encabezada por Emilio Sánchez”. “É o momento de poñer ás persoas no centro, de mellorar a vida dos galegos e das galegas, de atender ás súas necesidades e de comezar a construír o País que queremos, concello a concello”, destacou, manifestando que “é o momento do BNG, de Emilio Iglesias e do seu equipo para facer que Monforte avance a partir do 28M”.•

Deixa unha resposta

Your email address will not be published.

Nova Anterior

Arrincan con forza as Rutas Fluviais en catamarán pola Ribeira Sacra

Seguinte Nova

Monforte renova os votos coa Virxe de Montserrat o Martes de Pascua

Últimas noticias sobre POLÍTICA LOCAL

A %d blogueros les gusta esto: