A conselleira de Política Social e Xuventude, Fabiola García, visitou esta seman o novo centro residencial de Prodeme en Monforte de Lemos, así como outros servizos que esta entidade ten no concello lucense. Durante a visita puxo en valor o seu traballo e dedicación a favor das persoas con discapacidade e as súas familias.
O Edificio Residencial Francisco Suárez foi construido sobre os terreos doados por D. Francisco Suárez Fernández (Presidente de Honra da Asociación PRODEME). Trátase de 20 vivendas tuteladas e totalmente adaptadas ás persoas con mobilidade reducida, destinadas á atención de persoas con discapacidade intelectual e persoas maiores. Trátase dun complexo que ten capacidade de apoio ás vivendas con servizos permanentes de comedor-cafetería, lavandería, limpeza, rehabilitación, salón de peiteado, animación socio-cultural e acompañamento, achegando os recursos necesarios para conseguir unha mellora na calidade de vida de acordo ás súas preferencias e buscando a máxima autonomía.
Obxectivos
Con esta nova residencia o que se intenta dende a asocaición PRODEME e dar resposta adecuada ás necesidades e demandas dos seus beneficiarios e prover de apoios directamente ou a través dunha xestión eficaz da contorna.
A idea é implicar directamente ás persoas usuarias dos servizos na elaboración, desenvolvemento e avaliación do seu plan individual, ademais de orientar e apoiar aos usuarios na toma de decisións durante o ciclo vital.
A conselleira sinalou a importancia de que a Xunta de Galicia colabore co tecido asociativo galego para poñer en marcha máis e mellores recursos para a atención á discapacidade a disposición das familias. Neste sentido, agradeceu a Prodeme a súa ampla traxectoria apoiando aos veciños de Monforte.
Fabiola García visitou a continuación o centro público autonómico Infanta Elena.
O Goberno galego busca estar o carón das persoas con discapacidade desde o primeiro diagnóstico e ata a vida adulta.
Para iso, apuntou, é preciso poñer en marcha diferentes servizos que atendan a cada etapa vital das persoas con discapacidade, desde a atención temperá, pasado polo mundo educativo, o acceso ao emprego ou o ámbito dos coidados.•
Cargando ...
