• Para estes comicios, na provincia de Lugo mobilizaranse máis de 1.000 axentes das Forzas e Corpos de seguridade e máis de 400 representantes da Administración
A subdelegada do Goberno en Lugo, Isabel Rodríguez, presidiu a pasada semana unha xuntanza na que se ultimaron os preparativos para a celebración da xornada electoral do próximo 28 de maio, reunión na que participaron o secretario e visecretario xeneral da Subdelegación do Goberno en Lugo. Rodríguez repasou durante a reunión as diferentes tarefas que se acometerán durante ese día que comprende desde a comprobación dos locais de votación, a seguridade de todas as fases do proceso e a dotación de medios materiais, pasando pola transmisión da información oficial de apertura e peche de mesas, participación, escrutinio e transmisión dos resultados.
A subdelegada lembrou que o despregamento humano que realiza a Subdelegación na provincia resulta crucial para o óptimo desenvolvemento do proceso electoral. Desde o soporte loxístico necesario para o exercicio do voto ata a transmisión de datos de participación e escrutinio o día das eleccións.
270.274 LUCENSES CHAMADOS A VOTAR O 28 DE MAIO
Neste senso, Isabel Rodríguez avanzou que os representantes da Administración formarán parte dun amplo dispositivo de persoas que se mobilizarán ese día para garantir o exercicio do dereito ao voto dos 270.274 lucenses convocados ese domingo a elixir aos concelleiros e concelleiras que os representarán nos seus municipios.
Concretamente, 406 persoas actuarán como representantes da Administración e ocuparanse de verificar a correcta apertura das mesas, resolver posibles incidencias e recoller os datos do reconto do voto cando pechen as mesas.
Da seguridade da xornada electoral, a subdelegada informou que se ocuparán 1.012 axentes da Garda Civil e a Policía Nacional, que contarán co apoio das Policías Locais de Lugo, Viveiro, Ribadeo, Foz, Burela, Vilalba, Chantada, Guitiriz, Cervo, Sarria e Palas de Rei, así como da Policía Autonómica.
Nas eleccións xerais do 28 de maio están chamadas a votar na provincia de Lugo 270.274 persoas, das que 269.101 son residentes nos 67 concellos e 1.173 residen no exterior. Respecto da loxística preparada para a celebración das eleccións, na provincia de Lugo, haberá un total de 401 locais electorais nos que se distribuirán as 533 mesas de votación.•
