• Lucía Pérez, Antonio José, Gin Toni`s, América de Vigo, os grupos monfortinos Malenne e Deloreans e as orquestras Tekila, Panorama, Galilea e Ritmo Joven, completarán o cartel de actuacións musicais
O Alcalde de Monforte, José Tomé Roca, acompañado pola 1ª Tenente de Alcalde, Gloria Prada, foi o encargado de dar a coñecer en rolda de prensa o programa de Concertos Musicais das Festas Patronais 2023, que se van celebrar do 11 ao 16 de agosto. Tal e como explicou o rexedor, a proposta responde a un formato que se ven repetindo nestes últimos anos e que están centradas nunha variedade musical e artística para satisfacer a públicos moi diferentes tanto en idades como en gustos musicais. O Alcalde, explicou que haberá 6 concertos principais, todos eles acompañados de orquestras que farán un previo e un posterior peche das actuacións tratando de que o horario musical con carácter xeral, se ciña de 11 da noite considerado como o inicio ao remate entorno ás 4 da madrugada.
O programa completo de actuacións musicais é o seguinte:
-Día 11 de agosto, despois do pregón: Lucía Pérez. Cantante do Incio que actuará ás 24 h no escenario principal da Compañía. O grupo monfortino Malenne dará continuación á actuación musical.
-Día 12 de agosto: Deloreans: ás 11:00 h iniciaranse as actuacións musicais. Mikel Erentxun: dará un concerto entre as 12 e a 1:30 da madrugada. Gin Toni’s pechará a velada.
-Día 13 de agosto: Orquestra Panorama: as 12 da noite ata a 1:45 para volver nun 2º pase ás 3:15 ata as 4:30 da madrugada.
O grupo América de Vigo iniciará a súa actuación ás 10:30 volvendo a actuar despois do primeiro pase da Orquestra Panorama.
-Día 14 de agosto: Antonio José: ás 12 da noite e rematará á 1:30 da madrugada. A Orquesta Galillea actuará entre as 11 e as 12 nun 1º pase e de 1:30 a 3:30 da madrugada.
-Día 15 de agosto: Tanxugueiras, as 12:30. grupo Tekila, actuará tamén en 2 pases.
-Día 16 de agosto: Luz Casal,ás 12:30 da noite e finalizando ás 2 da madrugada. Pechará a velada Ritmo Joven, que o fará en 2 pases dende as 11 ata as 12 da noite e dende as 2 ás 4 da madrugada.
O custe do conxunto das actuacións musicais, tanto de concertos como de orquestras ascende a 317.625 € e tal e como explicou o Alcalde, o importe coincide co custe que o Equipo de Goberno tiña previsto no orzamento para as Festas Patronais.•
