Vocacións tecnolóxicas e talento dixital nos institutos monfortinos

O delegado territorial da Xunta en Lugo, Javier Arias, mantivo esta semana varios encontros co alumnado e equipos docentes dos IES Daviña Rey, A Pinguela e Río Cabe, que foron distinguidos con varios premios en concursos nacionais e competicións autonómicas do Bacharelato de Excelencia; así como en campionatos de desenvolvemento de competencias empresariais e tamén de robótica. A primeira parada da súa ruta monfortina foi no IES A Pinguela, onde Javier Arias mantivo unha reunión cos alumnos e profesores distinguidos co primeiro e terceiro premio na V Competición de Robots que organiza a Escola de Enxeñería Industrial da Universidade de Vigo. Neste centro tamén coñeceu a Diego Guntín, estudante que obtivo o primeiro premio no concurso de fabricación e programación de robots.
No IES Daviña Rey, O delegado territorial tivo a oportunidade de conversar cos alumnos Sara Santos Sarmiento e Luis Alfonso Rodríguez, distinguidos recentemente con sobresaíntes no STEMbach, o Bacharelato de Excelencia en Ciencias e Tecnoloxía que se imparte neste centro, en colaboración coas tres universidades galegas. •

Estudantes do IES Río Cabe álzanse co terceiro posto no Young Business Talents

Alumnos do IES Río Cabe, de Monforte, conseguiron o terceiro posto na duodécima final nacional de Young Business Talents, o programa educativo de simulación empresarial que conta co patrocinio de ABANCA. Nesta edición, o título de mellor empresario virtual de España foi para o equipo do IES Maestrat (Castellón), que conseguiu vencer aos máis de 346 preuniversitarios de toda España que competiron na final celebrada a pasada semana en Madrid. Durante a xornada, os participantes tiveron que demostrar o seu talento empresarial e as súas habilidades directivas ao ter que dirixir a súa propia empresa virtual co uso dun avanzado simulador de xestión empresarial. O delegado territorial da Xunta en Lugo, Javier Arias, visitou o IES Río Cabe e mantivo un encontro cos alumnos e o equipo docente e interesouse por este proxecto “co que demostraron a súa visión e habilidade empresarial, nun concurso nacional no que competiron con máis de 10.600 alumnos, o que aínda dá maior mérito a súa destacada posición”. A XII final nacional de Young Business Talents reuniu a un total de 346 mozos procedentes de 79 centros docentes de toda España. •

Deixa unha resposta

Your email address will not be published.

Nova Anterior

O PP de Chantada mantén na súa candidatura ao núcleo do actual goberno

Seguinte Nova

Ruralyouthfuture contribuirá á creación de emprego xuvenil de calidade no rural

Últimas noticias sobre EDUCACIÓN

A %d blogueros les gusta esto: