Claudio Garrido gaña as eleccións en Sarria

Todo apunta á formación dun goberno bipartito entre Camiña Sarria e BNG

Os simpatizantes de Camiña Sarria, con Claudio Garrido á cabeza, celebraron, por todo o alto, os resultados obtidos.
Foto CS.

Claudio Garrido e Camiña Sarria leváronse a vitoria nas eleccións municipais, e fixérono mellorando de forma substancial os resultados obtidos fai catro anos. Mellorou en votos, obtendo cincocentos máis, o que lles permite conseguir un sétimo edil. Con este panorama Claudio Garrido practicamente garántese a continuidade no goberno municipal, pois non parece posible un acordo a tres bandas entre PP, PSdeG e BNG para desbancarlle. Moi ao contrario, todo parece indicar que desde Camiña Sarria tratarán de chegar a algún tipo de acordo de goberno, previsiblemente co BNG, para garantir estabilidade política, dada a pésima relación existente con Benjamín Escontrela, o candidato socialista, antigo compañeiro de filas de Claudio Garrido, agora acérrimo rival político.
Pola súa banda o Partido Popular, a pesar de mellorar o seu resultado en votos respecto ao ano 2019, perdeu un concelleiro, e deixa a Carmen José López, en terra de ninguén, na oposición pero sen capacidade de influencia na formación do goberno municipal.
Pola súa banda, Claudio Garrido mostrouse satisfeito cos resultados obtidos e agredeció a todos «os que nos destes o voso apoio para que no próximos catro anos lideremos o goberno local e saquemos adiante o noso proxecto de futuro e as promesas realizadas durante a campaña». Garrido lembrou que «onte foi un día de celebración, pero en política as alegrías nunca afán durar moito, polo que desde hoxe empezamos a traballar. Farémolo coa premisa de achegarlle estabilidade política ao Concello de Sarria, de ser un goberno que mira ao futuro e co compromiso de gobernar para todos, para quen nos vote e para quen non». No persoal, reiterou Claudio Garrido, «quero expresarvos a miña gratitude pola confianza de peritirme volver ser alcalde de Sarria. Prometo defender os intereses xerais deste concello e traballar aínda máis para estar á altura. De novo, moitas grazas polo voso apoio!!». Toca esperar uns días para confirmar que os contactos entre Camiña Sarria e BNG, prodúcense, e Claudio Garrido e Efrén Castro son capaces de pechar un acordo de goberno estable..•

Deixa unha resposta

Your email address will not be published.

Nova Anterior

O Sur de Lugo acudiu a votar nunha xornada marcada pola participación e a normalidade

Seguinte Nova

José Tomé Roca revalida a maioría absoluta en Monforte

Últimas noticias sobre POLÍTICA LOCAL

A %d blogueros les gusta esto: