O Acto resultou moi emotivo, coa Xura dos Civís participantes, a Homenaxe aos soldados caídos e o Desfile da compañía ante as Autoridades e asistentes
A Praza dos Escolapios acolleu a pasada semana a Xura de Bandeira Civil de preto de 200 persoas nunha cerimonia presidida polo Alcalde do Concello de Monforte de Lemos e o Almirante xefe do Arsenal de Ferrol.
Moita era a expectación que se levantou na cidade do Cabe, por un evento tan pouco habitual como solemne , unha Xura de Bandeira Civil, que contou cun maior número de participantes do esperado.
Durante o desenrolo do acto, un nutrido grupo de cidadáns manifestaron o seu compromiso á defensa de España, prestando xuramento ou promesa ante a Bandeira Nacional.
Nun primeiro momento, prodúxose o desfile ata a Praza dos Escolapios da compañía de honores que deu escolta á Enseña Nacional ante a que os xurandos realizaron o xuramento ou promesa e que rendiu honores de ordenanza da Autoridade que presidiu o Acto.
Coa chegada do, Almirante xefe do Arsenal Militar de Ferrol, D. Ignacio Frutos Ruiz, e unha vez recibidos os honores, pasou revista á Forza en formación ao son da marcha militar e recibiu ao Alcalde de Monforte de Lemos, o Sr. D. José Tomé Roca, dirixíndose á Presidencia que ocuparon durante o desenrolo da Xura de Bandeira.
Colocada a Bandeira, no posto designado para proceder á xura, no momento mais emocionante do acto, os xurandos foron chamados un a un, para selar co seu xuramento ou promesa o compromiso de defender España. Tras a xura dos case 200 participantes, tivo lugar un momento non menos emocionante que a xura, e que consistiu na Homenaxe aos soldados caídos, que morreron con honor servindo á súa Patria. Neste momento, o Comternor e un xurando, dirixíronse ao monolito en forma de cruz para depositar unha corona e participar na oración ofrecida polo capelán.
A continuación, cantouse o Himno da Armada e tras pedir o permiso reglamentario, prodúxose o desfile da compañía á vista das autoridades e público asistente, e retirouse a Bandeira para que ocupara o seu lugar inicial, rematando o Acto co Himno Nacional.
As autoridades militares quixeron agradecer aos monfortinos e monfortinas presentes a súa compañía nesta celebración remarcando que a súa presenza é motivo de gran satisfación e estímulo para eles e quixeron agradecer ao Alcalde da Cidade a súa colaboración que resultou imprescindible para o Acto de Xura se puidera realizar.
O Alcalde tamén mostrou a súa satisfacción pola celebración dun acto tan significativo na Cidade de Monforte e tan emocionante para os participantes no mesmo.
A numerosa participación de cidadáns na Xura de Bandeira Civil, demostra que o obxectivo destes eventos, que é afianzar lazos de unión entre as Forzas Armadas e a sociedade, estase a conseguir satisfactoriamente.
José Tomé tamén quixo agradecerlle ás Autoridades militares “escoller a nosa Cidade para o desenrolo dun evento tan loxísticamente tan complexo e ao mesmo tempo tan emotivo como o que tivo lugar no día de hoxe”. •
Cargando ...
