Como novidade, este ano as actuacións musicais se incrementan en número, pasando de dúas a cinco e se ubicarán no propio recinto do Festival
Xa se deu a coñecer o programa da que será a quinta edición do Festival do Viño da Ribeira Sacra de Monforte, que se celebrará do 31 de xuño ó 2 de xullo no paseo do Malecón da cidade. Presentado nun acto polo Alcalde, José Tomé Roca, acompañado pola 1ª Tenente de Alcalde, Gloria Prada, e a Concelleira de Cultura, Marina Doutón, “O Festival do Viño da Ribeira Sacra de Monforte, é unha proposta diferente cun amplo programa de actividades que xiran en torno ó viño, que é o auténtico protagonista do Festival”, sinalou José Tomé.
Neste senso, o Alcalde destacou, o incremento no número de adegas participantes, que aumentou en dúas con respecto á edición de 2022, participando neste ano 30 adegas, que supoñen o número máis alto de participación nas 5 edicións que se levan celebrado do Festival do Viño. Todas estas adegas ofrecerán ó visitante a posibilidade de degustar e gozar dunha ampla variedade de viños que non deixarán indiferente a ninguén, nunha contorna natural, tranquila e confortable á beira do Río Cabe.
“Estou convencido” sinalou o rexedor monfortino, “de que o Festival do Viño da Ribeira Sacra de Monforte seguirá sendo un evento de referencia no sur da provincia de Lugo, un evento destinado a público de todas as idades, onde quen nos visite poderá descubrir e sentir Monforte e a Ribeira Sacra a través da súa paisaxe, gastronomía e tradición e por suponto, do viño”.
Cartel oficial do Festival do Viño
No que se refire ó Cartel oficial do Festival, o Alcalde explicou que “este ano quixemos, conservar a esencia do produto que se vai a degustar, dándolle relevancia ao verdadeiro protagonista do Festival, que é o viño e por iso utilizamos unha imaxe real, concretamente, unha fotografía realizada durante a derradeira edición do Festival”.
ACTIVIDADES VARIADAS PARA TODOS OS PÚBLICOS
Como en anteriores edicións, destinados ós máis pequenos terán diversos obradoiros infantís:
- Sábado 1 de xullo:
12:30 a 13:30h. Contacontos. Anxo Moure.
19:30 a 20:30h. Alfarería Tradicional da Ribeira Sacra – Figulus. - Domingo, 2 de xullo:
12:30 a 14:00h. Taller circense. Circonove.
19:30 a 20:30h. Showcooking. Velaísca Animación.
Para adultos, organizaranse dous obradoiros de cata con diferente perfil: - Sábado 1 de xullo:
11:30 a 12:30h. Taller de Análise Sensorial que abrangue diversos estilos a través das súas
variedades máis nobres.
13:30 a 14:30h.Taller de Análise Sensorial con viños elaborados a partir de variedades
ancestrais recuperadas.
Ademais, presentarase unha masterclass de dúas horas de duración aproximadamente e a
cargo do coñecido sumiller Alejandro Paadin. Esta masterclass terá lugar o domingo, dous de xullo ás 12:30 horas e tratara sobre “Viños da Ribeira Sacra vs Viños Internacionais” .Cataranse un total de 10 referencias.
Todos estes talleres, incluíndo a masterclass son gratuítos e faranse na zona acondicionada
como Sala de Catas dentro do recinto do Paseo do Malecón. A capacidade en cada taller é de
30 persoas e é necesario facer reserva previa no teléfono +34 621 120 560 ou no email festivalmonforte@gmail.com.
ViñoRutas pola Ribeira Sacra
Unha das actividades que conta con máis participantes son as viñorutas.
O sábado, 1 de xullo con saída ás 15:15 horas, VinoRuta do Sil. “Tradición e Viñedos do Sil”. Visitarase a adega Rectoral de Amandi onde coñeceremos de primeira man os seus viños e a viticultura de montaña. Logo, na parroquia de Francos onde se atopa a adega Petron. Despois dirixirémonos ao peirao da Ponte do Sil para facer un fermoso paseo en catamarán polo río.Prezo: 20€ adulto e 10€ neno (ata 10 anos).
O domingo, 2 de xullo con saída ás 10:15 horas, VinoRuta do Miño. «Os viñedos e o río Miño». Saída de Monforte cara ao Saviñao para visitar Adegas Moure,onde terá lugar unha cata guiada e poderase disfrutar do meandro do Cabo do Mundo. Dende aquí seguiremos cara á Praia da Cova para facer un percorrido en canoa polo río Miño. A seguinte parada será na adega Pilares de Belesar. Dende aquí voltaremos cara Monforte de Lemos para desfrutar do Festival do Viño.
Prezo: 25€ adulto e 18€ neno (ata 10 anos).•
Cargando ...
