Inaugurado o novo Cemiterio Civil de Quiroga

Acto de inauguración do novo cemiterio civil de Quiroga.
Foto C. Quiroga.

Esta pasada semana descubríase unha placa conmemorativa do novo cemiterio civil, posto que a pesar de que aínda quedan pequenos detalles por rematar, xa pode entrar en funcionamento como lugar de enterramento.
Levouse a cabo un acto sinxelo de inauguración á que non acudía ningunha autoridade, estaban representantes das distintas relixións que se procesan na comarca- católica, musulmá, evanxelista, testigos de Jehová e protestante- (posto que se trata dun cemiterio municipal no que terán cabida os enterramentos de calquera crenza relixiosa), o alcalde en funcións, Julio Álvarez, concelleiros e presidentes de asociacións en representación dos veciños. A inauguración realizábase unha vez que xa se pode dar uso ao solo mortuorio, a pesar de pequenos remates incluídos na obra contratada que non puideron realizarse polas condicións climatolóxicas no edificio aconfesional e no muro de peche, que si o tempo o permite – como matizou o rexedor local, Julio Álvarez – levaranse a cabo a vindeira semana. A dotación de mobiliario, sistema acústico,… da sala de culto sería traballo do que se encargaría o novo obradoiro de emprego. Julio Álvarez cifrou nun millón de € a inversión neste cemiterio contando os máis de 700.000 € do campo santo entre terreos e construción, e a parte da nova rúa que lle corresponde. O novo recinto mortuorio, endosado ao actual cemiterio, ten unha superficie de 3.326 m2, cun local de culto aconfesional, 1.154 unidades de enterramento novos entre panteóns e nichos e dous columbarios para depositar as urnas das cinzas con 42 espazos cada un. Dende o novo recinto unha rúa en diagonal e unha serie de rúas facilitan o acceso a todos os servizos do cemiterio así como ao antigo campo santo. Todo o cemiterio está pechado cun muro de formigón visto. Os interesados xa poden facer a reserva do terreo a través desta preinscrición, para que cada particular poida comprar nichos ou construír a súa sepultura, cumprindo a normativa aprobada para esta instalación. As preinscricións poden realizarse nas oficinas da casa consistorial, onde tamén se facilitará máis información ás persoas que o soliciten.•

Deixa unha resposta

Your email address will not be published.

Nova Anterior

Ribas de Sil celebrou a súa tradicional Festa da Cereixa, o Viño e o Aceite

Seguinte Nova

Campamento de voleibol no verán de Quiroga

Últimas noticias sobre INFRAESTRUTURAS

A %d blogueros les gusta esto: