O PP de Monforte solicitou formalmente acceso ao expediente da praia fluvial, á vista da falta de información clara e detallada sobre este proxecto. A popular Katy Varela explica que formalizaron dita solicitude “porque o alcalde de Monforte, xusto ao inicio da campaña das eleccións municipais, anunciou o proxecto de creación dunha praia fluvial, por case cinco millóns de euros. Lembrou que ás primeiras preguntas feitas polo PP en relación con este asunto, o socialista José Tomé, non deu resposta, nin sequera a cales serán as zonas nas que se prevé crear a praia. Os populares critican ao socialista Tomé que non dera a coñecer todos os aspectos fundamentais do proxecto na rolda de prensa na que anunciou a creación da praia fluvial e que custaría case 5 millóns.•
Cargando ...
