José Tomé Roca, comeza o seu terceiro mandato como Alcalde de Monforte

O Alcalde avanzou que “dentro de 4 anos, Monforte terá experimentado un cambio positivo moi importante transformando a nosa cidade e o noso Concello para gañar o futuro”

José Tomé xurou o seu cargo ante un salón de actos ateigado de monfortinos, logo de ser elixido por 10 votos a favor, 4 en contra e 3 abstencións. Foto GPCM.

A sesión na que leva a cabo a constitución da nova corporación municipal de sempre congregou a numeroso público no salón do plenos do concello monfortino. E esta ocasión non foi unha excepción, e o pasado 17 de xuño, foron numerosos os monfortinos que se ateigaron este salón de plenos, para ver de primeira man como José Tomé Roca, era de novo elixido alcalde de Monforte por terceira vez consecutiva, tras a maioría absoluta obtida nas pasadas eleccións municipais. Durante o acto tivo lugar xúraa ou promesa do cargo de todos os concelleiros e concelleiras da Corporación, baixo as indicacións dictaminadas polo Secretario do Concello, José Antonio Mourelle Cillero.
Logo da constitución da nova Corporación, tivo lugar a Elección do novo Alcalde. Deste xeito, José Tomé Roca foi elixido por 10 votos a favor, 4 en contra e 3 abstencións.

TERCEIRO MANDATO
No seu discurso, o Alcalde destacou que “no inicio do terceiro mandato, nunca os monfortinos e monfortinas habían dado tanto apoio político ó gañador das eleccións como nesta ocasión, obtendo o 55,6% dos votos válidos á candidaturas, supoñendo 1.000 votos máis que a suma do resto de partidos xuntos, o que representa o 58,82% da Corporación, preto do 60%”.
Neste senso, José Tomé “agradeceu aos veciños e veciñas de Monforte o inmenso apoio político que nos deron o pasado día 28 de maio, en forma de maioría absoluta para seguir Gobernando o Concello de Monforte, como Alcalde de todos e todas”.
Do mesmo xeito, o rexedor municipal anunciou o inicio hoxe “dun mandato que vai ser moi positivo para Monforte, a medida que vaiamos facendo realidade os compromisos que figuran no noso programa que votaron maioritariamente os veciños e veciñas de Monforte”.
E engadiu que “os veciños e veciñas de Monforte apostaron por un Goberno estable, serio, responsable e que cumpre cos seus compromisos”.
O Alcalde manifestou que “é unha honra ser o voso Alcalde, para seguir presidindo o Goberno Municipal, para continuar levando ó noso Concello polo Camiño do Progreso, como viñen facendo nestes últimos 8 anos”.
José Tomé avanzou que “dentro de 4 anos, Monforte terá experimentado un cambio positivo moi importante, transformando a nosa cidade e o noso Concello para gañar o futuro”.
Finalmente, agradeceu o rexedor monfortino “o traballo e a dedicación do que ata hoxe foi Concelleiro de Medio Ambiente, Miguel Tomé López, deixando unha impronta moi positiva no seu bon facer no traballo do Equipo de Goberno do pasado mandato”, e deu as grazas á súa familia e á de todos os Concelleiros “por entender e permitir a cantidade de horas e de días que lle dedicamos á actividade política, co obxectivo de mellorar a vida dos monfortinos.”•

Deixa unha resposta

Your email address will not be published.

Nova Anterior

A Plataforma en Defensa da Sanidade Pública denuncia o inxustificado peche de camas estival no Hospital de Monforte

Seguinte Nova

Francisco Conde, presentado como número 1 da candidatura do PP de Lugo ao Congreso

Últimas noticias sobre POLÍTICA LOCAL

A %d blogueros les gusta esto: