O número 1 da candidatura do PP de Lugo ao Congreso, Francisco Conde, asegurou nunha reunión con alcaldes e portavoces da comarca da Ulloa, que o futuro da empresa Altri en Palas de Rei “xa estaría garantido de estar Feijóo no Goberno”. Nese sentido, engadiu que “se goberna Alberto Núñez Feijoo, gaña Lugo e gañamos todos”.
Conde recalcou que o Partido Popular, ao igual que a Xunta de Galicia e que a propia Altri, teñen amosado desde o primeiro momento a súa máxima implicación para conseguir que a fábrica de fibras téxtiles sostibles sexa unha realidade na provincia de Lugo, un proxecto realmente transformador a nivel industrial e social.
ALTRI QUERE EXECUTAR O PROXECTO
A compañía portuguesa Altri, quere executar o proxecto en Galicia, pero estase atopando cunha realidade:” o Goberno de Pedro Sánchez non concedeu os fondos europeos que precisa a iniciativa para a súa construción e posta en marcha, cando o Executivo portugués xa ten comprometido fondos europeos para as novas iniciativas industriais de Altri no seu país”. Neste sentido, “Sánchez incumpre unha vez máis a súa palabra, pois case un ano despois da súa reunión co presidente da Xunta de Galicia na que se comprometeu a apoiar o proxecto de Altri, non hai resposta nin un posicionamento a favor deste proxecto”, explica Conde. •
