O castellonense Alfonso Giménez Ventura foi o gañador do concurso de carteis que convocou o Concello de Bóveda. O deseño premiado anunciará a XIX Feira Tradicional de Rubián Outrora, que terá lugar o vindeiro 14 de xullo.
A convocatoria recibiu preto de 30 traballos, procedentes da comarca e de Galicia, así como tamén doutros puntos de España e incluso do estranxeiro, xa que se rexistrou un envío procedente de Francia.
O gañador, Alfondo Giménez Ventura, natural da localidade de Betxí (Castellón), é deseñador e artista de carteis, con premios en concursos como o da Semana Santa de Teruel, o das Festas Patronais de Navarra ou da Festa Major 2022 de Valldoreix de Barcelon, entre outros. Polo recoñecemento de Bóveda, o autor recibirá un premio de 400 euros. O resto dos traballos participantes integrarán unha exposición no Centro Sociocultural. •
