A Asociación Veciñal do Saviñao acaba de solicitar á empresa Vodafone-España o cambio de localización das antenas de telefonía móbil da localidade de Escairón. A asociación transmite esta reiterada petición veciñal, por ser considerada dita instalación unha ameaza para a saúde e é que consideran que existe unha alarma na poboación como consecuencia de por a contabilización duns 20 casos de cancer entre a veciñanza dun perímetro de 400 m das antenas, o que supera a prevalencia estimada no Estado. O tema vén de longo, pois xa en 2004 entréganse 150 firmas á Alcaldía solicitando a súa retirada. Posteriormente, en 2011 e coincidindo coa caducidade do contrato, a Asociación Veciñal do Saviñao solicitou de novo á Alcaldía o cambio de localización da instalación, pero o permiso é renovado de novo coa mesma localización.
Despois deste historial de reclamacións veciñais, desde a Asociación esperan que se dea solución a esta petición e Vodafone atenda dunha vez esta preocupación social.. •
Cargando ...
