Merli o máis rápido, mentres Joseba Iraola vence no Campionato de España de Montaña

Foto Escud. Chantada

A 49 edición da Subida a Chantada presentaba un cadro de pilotos do máximo nivel internacional coa presenza de equipos habituais do Campionato de Europa que non defraudaron na súa incursión nunha proba española. Pero as barquetas Osella de Merli e Hin non puntúan no nacional, ao tratarse de vehículos doutra normativa, e por iso é polo que a pesar de ser o italiano o piloto máis rápido na proba sexa Joseba Iraola o vencedor final na clasificación xeral. Pero unha cousa está clara, o record teno Christian Merli desde hoxe no trazado chantadino e o italiano foi o máis rápido na contenda e tamén no Trofeo Ribeira Sacra no que competía co alemán Alexander Hin que rematou segundo no mesmo.
Na categoría dos vehículos carrozados o espectacular Porsche 911 GT3R do catalán Jordi Gaig impúxose ao Ford Festa do andorrano Gerard da Casa, sendo terceiro en liza o galego José Antonio Alonso Liste co Ginetta G50.
O apartado do CEM, que acolle aos grandes vehículos de Montaña, deixaba claro o excelente ritmo de carreira que ten o vasco Joseba Iraola e asinaba unha clara vitoria coa súa Nova M20FC sobre o galego Jacobo Senín que in extremis superaba na última manga ao británico Robert Dwane cun Silver Car CS.
A 49 Subida a Chantada resultou todo un éxito organizativo e espectacular para os afeccionados que, en masa, acudiron á cita chamados pola presenza dos mellores pilotos do mundo na modalidade. Un aperitivo ideal para cumprir as 50 edicións en 2024.•

Deixa unha resposta

Your email address will not be published.

Nova Anterior

dEUS, cabeza de cartel do festival 17º Ribeira Sacra

Seguinte Nova

«Con Pedro Sánchez e José Tomé, Monforte é o modelo de desenvolvemento da Galicia Interior»

Últimas noticias sobre DEPORTES

A %d blogueros les gusta esto: