.• A XIX Feira Outrora de Rubián-Bóveda tivo como protagonista á cultura popular galega a través dos oficios. Dentro do programa, o Concello organizou catro obradoiros co apoio da Xunta, co fin de poñer en valor os oficios artesanais e visibilizar a marca Artesanía de Galicia. Os artesans María José Martínez e José Antonio Carrera, de Artesanía Chuschús, impartiron un obradoiro de encadernación á xaponesa e outro sobre gyotaku e transfer. Na primeira técnica, emprégase o peixe como prancha de gravado e a segunda é unha impresión sobre madeira. O ceramista Carlos San Claudio encargouse dun obradoiro de torno oleiro. Por último, a artesá Leonor Díaz, de Como pez en el agua, dirixiu un taller de pintura sobre madeira.
Ademais dos xogos interxeracionais e a festa da espuma, a xornada festiva animouse co Grupo de Gaitas Municipal de Bóveda, Amigos da Pandeireta de Monforte e o concerto na Capela de Xoán Curiel, e á noite cunha sesión a cargo do DJ Vizcaíno.•
Cargando ...
