O Consorcio de Turismo Ribeira Sacra está presente cun stand de información turística e unha pequena exposición fotográfica do xeodestino
O Consorcio de Turismo Ribeira Sacra está a participar no Festival Interceltique de Lorient cun stand de información turística e unha pequena exposición fotográfica do xeodestino. A idea é dar a coñecer e promocionar a Ribeira Sacra como destino turístico. O de Ribeira Sacra será o único stand de información turística de Galicia no Festival. Dous técnicos do organismo desprazáronse á vila para dar a coñecer os atractivos da nosa rexión aos milleiros de visitantes chegados de todos os recunchos do mundo.
MERCADO EXTERIOR
O público francés e o británico son dous dos prioritarios para Ribeira Sacra cando falamos de mercados exteriores, polo que a participación neste festival supón unha oportunidade para a proxección do xeodestino.
O FESTIVAL FRANCÉS MÁIS IMPORTANTE
O Festival Intercéltico de Lorient é o festival bretón e francés máis importante. Atrae a unha media de 750 000 visitantes e espectadores en cada edición. Aínda que a base do Festival Intercéltico sexa a cidade de Lorient, os asistentes gozan de todas as actividades que ofrece Lorient Bretagne Sud: as praias, as visitas e as excursións enriquecen o descubrimento cultural que se vive co Festival. Cada ano e durante 10 días a principios de agosto, este evento reúne as 11 nacións celtas en Lorient. Escocia, Irlanda, País de Gales, Cornualles, Isla de Man, Galicia, Asturias, Bretaña, Estados Unidos, Acadia (en Canadá) e Australia únense cada ano á festa. Así pois, o público acode a aplaudir a máis de 4 500 artistas, entre músicos, bailaríns, artistas, etc. E celébrase desde fai xa máis de 50 anos, o festival Intercéltico de Lorient 2023 este ano ten lugar do 4 ao 13 de agosto, sendo a nación celta convidada Irlanda.
DATOS LANZADEIRAS
Por outra parte, dende o Consorcio informan da proba piloto dos cinco servizos de lanzadeira entre o 15 e o 31 de xullo. O número de prazas ocupadas foi de 11.000, por 5.900 usuarios. O 70% correspóndense con usuarios da lanzadeira do Mosteiro de Santo Estevo que recibiu unha media de 480 visitantes cada día. 1300 persoas fixeron uso das lanzadeiras dos embarcadoiros e de Praia da Cova, sendo o máis frecuentado cun 55% o de Monforte-Ponte do sil. •
Cargando ...
