Unha vez que a polémica xurdiu entre o equipo de goberno monfortino, co seu alcalde ao frente, e o grupo municipal popular, personalizado en Katy Varela, a conta da denuncia de posibles verteduras incontroladas ao río Cabe, parecer que se abriu a caixa dos tronos, e nin sequera a calor estival parece capaz de acougar unhas augas, que estas si, parecen vir revoltas.
Nesta liña, o Equipo de Goberno de Monforte, fixo un comunicado para denunciar públicamente o que considera unhaa estratexia de castigo e discriminación da Xunta de Galicia aos veciños e veciñas de Monforte, coa intención de que o Alcalde, D. José Tomé Roca, teña todos os impedimentos posibles, para a boa xestión da cidade. Sinalan, que é o que se desprende da argumentación feita no Pleno do pasado 31 de xullo, por un dos concelleiros do Partido Popular, o Sr. José Luis Rodríguez Varela, o método de distribución de orzamentos que fai a Xunta de Galicia entre os Concellos da nosa comunidade, resulta totalmente partidista e depende do partido político ao que pertenezca o Equipo de Goberno de cada un dos Concellos. Insisten os socialistas no que se deduce das afirmacións deste representante do Partido Popular – ”que sepan os monfortinos que tamén é do xénero tonto darlle ao Ayuntamiento desde o PP, darlle ao Ayuntamiento e facer as mellores festas nun Ayuntamiento do PSOE porque despois a medalla vaina poñer vostede”, é que a Xunta non aporta axudas ao noso Concello, co único propósito de perxudicar ao Goberno Municipal, tratando de impedir que o Alcalde da cidade, poida conseguir mais éxitos na súa xestión, dos acadados ata agora, solo por ser do PSOE. Entenden dende o equipo de goberno monfortino que “a realidade é que a Sra. Katy e o Concelleiro Sr. José Luis están confudidos, porque os cartos quen os dá é a Xunta, non o Partido Popular, porque é diñeiro público”. Según o Equipo de Goberno, “leva anos reivindicando a necesidade de rematar o Porto Seco, dereito non recoñecido pola Xunta que se mantén impasible ante as peticións do Equipo de Goberno, mentras en Concellos moi próximos a nós, como o de Bóveda, a Consellería de Economía e Industria declaraba que xa no ano 2015 que a colaboración con Bóveda ascendía a preto de 5.000.000 de € nos últimos 6 anos, cantidade incrementada nos últimos anos en 1,6 millons de euros repartidos en 8 polígonos industriais lucenses (Bóveda, Baleira, Cospeito, Sarria, Outeiro de Rei, Palas de Rei, Cervo e Xove) entre os que non figura Monforte, que leva co Porto Seco paralizado, por mor da Xunta, dende fai décadas”.
Pola súa banda, os populares monfortinos amosan o seu hartazgo e cansazo ante o goberno municipal, pola súa constante estratexia de culpar á Xunta de Galicia dos seus problemas de xestión como é o caso de non pedir as axudas públicas para aumentar as prazas de gardería ou para a creación da unidade da atención temperá. Declaran os populares que “no último pleno, presenciamos un patético argumentario victimista onde se pretende culpar á administración autonómica das carencias que manifesta este alcalde en xestión cando se trata doutras cousas que non sexan luces e cemento”. A Xunta, según os populares, investiu no últimos catro anos 35 millóns de euros na cidade do Cabe. Precisamente o Conselleiro de Educación estivo a pasada semana comprobando o estado das obras de rehabilitación do Daviña Rey, onde ademais ninguén do equipo de goberno asistiu a pesar de ser convidados. Os populares enumeran como exemplos de apoio da Xunta, a feira de artesanía ou do libro, o Carude rock ou as festas de San Antonio, Valle de Lemos e Piñeira. Consideran que calquera comentario dun edil do PP que o alcalde pretenda utilizar para ter protagonismo está sacado de contexto.
Máis madeira, que dicían os hermanos Marx.•
