A Volta á Galicia está a percorrer, un ano máis a xeografía lucense, co apoio da Vicepresidencia da Deputación de Lugo. A Pobra do Brollón vonvírtese no punto de referencia das dúas primeiras etapas da proba que reúne os mellores ciclistas das categorías Sub-23 e Elite e que se están a celebrar onte e hoxe15 de setembro. Foron o vicepresidenta da Deputacíon de Lugo e deputado de Deportes Efrén Castro e o alcalde da Pobra do Brollón Xosé Lois Maceda, acompañados por representantes da Federación Galega de Ciclismo, e da Xunta de Galicia en Lugo, os encargados de presentar a proba na área recreativa de Samugueiros.
Xose Lois Maceda valorou a oportunidade que a Volta a Galicia ofrece como “como escaparate para amosar A Pobra do Brollón de cara ao exterior e para seguir dinamizando a economía local en torno ao turismo” e subliñou “a importancia da colaboración institucional para que este tipo de eventos se celebren en concellos rurais”.
Ao peche desta edición, está a disputarse a contrarreloxo individual de 6,7 quilómetros, da que non temos aínda resultados, pero que levantou unha gran expectación na comarca.•
