Con ocasión da pasada conmemoración do Día Mundial para a Prevención do Suicidio, a asociación Albores Saúde Mental quixo lembrar que constitúe a primeira causa de morte en mozos e a primeira causa de morte non natural na poboación xeral, moi por encima dos accidentes de tráfico. Ademais, Lugo é a provincia con maior número de suicidios no país. Por iso, esta asociación está a levar a cabo un Programa de Acompañamento Integral para a Prevención do Suicidio. O programa é gratuíto e está dirixido a persoas que estean en risco de suicidio, que teñan problemas de saúde mental, maiores de 16 anos e residentes nalgunha das 12 localidades do sur de Lugo, así como aos seus familiares. Calquera persoa que necesite axuda ou queira obter máis información pode contactar coa asociación Albores no correo electrónico albores@albores.org ou no teléfono 982 404 968.•
Cargando ...
