As tormentas da pasada semana tamén provocaron incidentes no Hospital de Monforte. Según a Plataforma en Defensa da Sanidade da Zona Sur de Lugo, na madrugada do pasado venres ao sábado, debido a tormenta e as malas condicións dun tellado que leva anos pendente de ser arranxado, producíronse varias inundacións en diferentes partes do hospital (maternidade, hospital de día, laboratorio, plantas de hospitalización, etc.) provocando a movilización de todo o personal que como puido e co que puido intentaban evitar o aumento desas inundacións con sábanas, toallas, fregonas e todo o que atopaban para que non afectase en moita medida aos pacientes ingresados e aos aparellos. Dentro das consecuencias máis graves estiveron o traslado de pacientes e incluso, a paralización do traballo de laboratorio. Pladesapu califica como “vergonzoso que mentres pechan plantas para darlles un “lavado de cara” a base de pintar paredes e cambiar mobiliario; o tellado leve anos e anos sen arranxarse sendo unha das partes máis importantes do edificio. E o SERGAS segue tan tranquilo e sen amosar moita preocupación por solucionalo”.•
Cargando ...
