Varios centos de enfermeiras e enfermeiros, representados polo colectivo “A Por Todas”, manifestouse esta semana ás portas de varios hospitais galegos, incluíndo o de Monforte, para alzar a súa voz e esixir cambios significativos nas súas condicións laborais.
Alegan que a súa situación profesional está a deteriorarse progresivamente e que o Sergas precisa unha revisión integral para facer fronte ás súas preocupacións. Entre as principais inquedanzas destes profesionais está a crónica falta de persoal, un problema que consideran especialmente grave en sectores clave como a Atención Primaria e a Atención Especializada. A reducida cantidade de traballadores afronta unha carga de traballo cada vez máis abrumadora, o que ten impactos negativos tanto no seu benestar como na calidade da atención prestada aos pacientes.
Os membros de “A Por Todas” expresaron a súa frustración coa falta de progreso na súa situación laboral e denunciaron anos de trato desfavorable. Entre as súas demandas atopamos a necesidade de mellorar a relación enfermeira-paciente, a busca de maior estabilidade e transparencia nos contratos, a recuperación das pagas extra e o recoñecemento dos solapamentos de xornada.
Este movemento tamén gañou o apoio do Colexio Oficial de Enfermeiros de Galicia e dos representantes sindicais do sector, quenes comparten as súas preocupacións e demandas.•
Cargando ...
