O PP de Monforte reivindica que o alcalde atenda ás necesidades do día a día dos monfortinos

Katy Varela renida con veciños de Distriz e A Vide. Foto GPPP..

O PP de Monforte vén de presentar no pasado pleno, dúas iniciativas centradas en abordar as necesidades cotiás dos cidadáns, especialmente enfocadas na atención ao rural e nunha controversia relacionada co novo parque da cidade. A portavoz popular, Katy Varela, expresou a súa preocupación respecto á falta de atención do alcalde de Monforte ás pequenas preocupacións que afectan á vida diaria dos cidadáns. Segundo declarou, “non é normal que o alcalde só se preocupe de publicitarse a el mesmo anunciando sempre o mesmo, pero se esqueza de arranxar esas pequenas cousas que forman parte do día a día dos cidadáns”.
Unha das propostas presentadas polo Grupo Municipal Popular é a necesidade de arranxar o camiño que conecta as parroquias de Distriz e A Vide, que se atopan en mal estado. Os populares subliñan que “o alcalde non mostra suficiente interese polo rural nin polas parroquias de Monforte”, e consideran que isto reflicte unha discriminación entre cidadáns.
A segunda iniciativa dos populares aborda unha controversia relacionada co novo parque situado no centro da cidade, onde algúns veciños soltan os seus cans, mentres outros consideran que esta práctica non é axeitada. O PP busca unha solución para apaciguar a situación e promover a convivencia entre ambas opcións. Durante a campaña electoral, o alcalde prometera un recinto dedicado a soltar cans, pero a polémica aínda non foi resolta.
O Partido Popular espera que estas propostas contribúan á mellora da vida cotiá dos cidadáns de Monforte e fomenten unha maior atención ás necesidades do rural e da comunidade local por parte do alcalde.•

Deixa unha resposta

Your email address will not be published.

Nova Anterior

Inauguradas as I Xornadas de Desenvolvemento Rural “Do Imposible ao Posible” en Seoane do Courel

Seguinte Nova

O PSdeG pide reforzar o servizo de autobús entre Monforte e Lugo, saturado desde o inicio escolar

Últimas noticias sobre POLÍTICA LOCAL

A %d blogueros les gusta esto: