O Concello de Monforte, en colaboración co Ministerio de Asuntos Económicos e Transformación Digital, pon en marcha unha iniciativa pioneira para mellorar a conectividade nas zonas rurais grazas ao «Programa UNICO Demanda Rural (UNICO RURAL-2)», desenvolto pola empresa Hispasat.
INTERNET POR SATÉLITE NAS ÁREAS RURAIS
Este proxecto busca levar o servizo de internet por satélite a áreas rurais que actualmente non contan con cobertura de conexión terrestre fixa. Co apoio da Subdelegación do Goberno de Lugo, o Concello de Monforte ofrece aos cidadáns a oportunidade de contratar unha conexión de banda ancha de alomenos 100 Mbps por tan só 35€ ao mes, sen custos adicionais. Ademais, proporciona unha axuda de ata 600€ para cubrir os gastos de instalación, incluíndo antena, módem e transceptor.
SOLUCIÓN TECNOLÓXICA DE ÚLTMA XERACIÓN
O Alcalde de Monforte, José Tomé Roca, destaca a importancia deste programa para mellorar a conectividade nas zonas rurais que actualmente non dispoñen de acceso a tecnoloxía terrestre fixa. Este proxecto representa un avance significativo para proporcionar unha solución tecnolóxica satelital de última xeración.
COMO CONTRATALO
Os interesados en acollerse a este servizo poden facelo de forma sinxela a través da páxina web www.conectate35.es, onde atoparán información detallada sobre as condicións e operadores dispoñibles.
O Programa ÚNICO-Demanda Rural está deseñado para áreas rurais sen acceso a conexión terrestre fixa a unha velocidade mínima de 50 Mbps. O obxectivo é chegar ao 100% da poboación en áreas sen acceso a redes fixas de alomenos 50 Mbps. Financiado pola Unión Europea a través do programa NextGenerationEU, este programa representa un avance significativo na conectividade a nivel nacional, beneficiando a 1,3 millóns de fogares e empresas en toda España.
Monforte, coa súa participación activa nesta iniciativa, colócase á vangarda da mellora da conectividade nas zonas rurais.
Esta iniciativa tamén se enmarca na inversión C15.I1 «Extensión da banda ancha ultrarrápida» da Componente 15 do Plan de Recuperación, Transformación y Resiliencia da economía española, financiado pola Unión Europea a través do Mecanismo de Recuperación y Resiliencia.•
