Néstor Rego e Rubén Arroxo anuncian os logros conseguidos para Lugo co acordo de investidura e erixen o BNG como a “única forza que defende os intereses da Galiza”
O BNG vén de dar a coñecer o contido do acordo asinado cos socialistas para facilitar a investidura de Pedro Sánchez, como Presidente do Goberno do estado. Destancan os nacionalistas que inclúe numerosas medidas clave para a provincia de Lugo e a súa xente. Néstor Rego, deputado do BNG no Congreso, e Rubén Arroxo, tenente de alcalde de Lugo, presentaron as principais medidas deste acordo xunto a cargos institucionais e orgánicos do BNG da provincia. Según Rego, este acordo reflicte o compromiso do BNG coa igualdade da Galicia e o fomento da Axenda Galega. Menciónanse medidas que teñen un impacto significativo na vida dos habitantes de Lugo e Galiza en xeral, como o aumento das pensións mínimas e a creación dun xulgado específico de violencia machista.
CONDONACIÓN DA DÉBEDA GALEGA
Un dos aspectos máis destacados é a condonación da débeda galega, que asegura que Galicia será tratada con igualdade respecto doutras comunidades autónomas, como a catalana. Insisten dende o BNG, que co acordo asinado, consguen garantir que a Galicia non sexa prexudicada, senón beneficiada, por esta medida, a pesar das afirmacións en contra do PP.
COMPROMISOS EN INFRAESTRUTURAS
En canto a infraestruturas, o acordo contempla a finalización dos tramos pendentes da autovía Santiago-Lugo da A-54 antes do peche de 2024. Tamén se comprometen a acelerar a reparación do viaduto colapsado na A-6, con traballos programados para o 2024. Algunhas das estradas con maiores índices de sinistralidade na N-6 e na N-640 tamén recibirán atención especial.
No ámbito ferroviario, destácase o inicio dos traballos de modernización da liña A Coruña-Lugo entre Betanzos e Lugo. Ademais, promoveuse o estudo da variante entre Curtis e Ordes, fortalecendo a conexión ferroviaria entre Lugo e Santiago.
XULGADO DE VIOLENCIA DE XÉNERO
En canto a políticas sociais, o acordo prevé a creación dun xulgado específico de violencia de xénero en Lugo. Tamén se comprometen a financiar o 50% das actuacións da Lei de dependencia e a ampliar os permisos de maternidade e paternidade a 20 semanas. Outra medida importante é o aumento das pensións mínimas, que beneficiará a Lugo, unha das rexións con pensións máis baixas do Estado.
Consideran os nacionalistas, que este acordo de investidura é unha demostración do compromiso do BNG con Galicia e a súa xente. Os representantes do BNG subliñaron a importancia de ter unha forza política que defenda os intereses da Galicia, e aseguraron que, co BNG, tanto Lugo como Galicia saen gañando.
ENCONTRO CO SECTOR LA LIMPEZA EN FOLGA
O BNG, ademais, mantivo un encontro co sector da limpeza en folga para escoitar as súas demandas e expresar o seu apoio. Demandas como a asinatura dun novo convenio de limpeza cun salario superior ao Salario Mínimo Interprofesional foron destacadas. •
Cargando ...
