A preocupación invadía o Courel ante as previsións meteorolóxicas adversas, que anunciaban algo máis que o típico mal tempo ao que os veciños están acostumados nestas épocas. Choveu con forza e o vento fixo acto de presenza, pero curiosamente, parece que esta combinación foi benéfica para a colleita de castañas.
O aroma a leña e froito seco invadiu o Courel a pasada semana, unha fragrancia de castaña asada ao carbón que resulta insuperable. A castaña, esencial na gastronomía do Courel foi a auténtica protagonista no campo da feira de Seoane. Celebrándose a súa 34ª edición, este evento, recoñecido como Festa de Interese Turístico de Galicia, reuniu ata 600 quilos do ouro do outono, a pesar dun ano difícil para o sector.
O calor no inicio do outono secou os ourizos cando máis precisaban de choiva, e a proliferación de fungos e vermes causou perdas significativas, chegando ao 90% en certas áreas de colleita. Non obstante, iso non impediu que a festa continuase, ofrecendo degustacións de castañas e viño de forma totalmente gratuíta.
Mentres os asistentes disfrutaban das delicias do Courel, varios operarios traballaban arreo para asar as castañas e asegurar que chegasen en óptimas condicións aos estómagos dos participantes.
Moitas foron as caras coñecidas que se deixaron ver pola Festa de Castaña. Entre elas, a directora da Axencia Galega de Desenvolvemento Rural, Inés Santé, quen resaltaou a importancia desta celebración de interese turístico, que ofrece non só un tradicional magosto popular, senón tamén outras actividades para os visitantes. Sinalou que a Xunta está a traballar arduamente polo sector da castaña, destacando o plan piloto de Galicia sobre agrupacións de xestión conxunta como ferramenta para a recuperación de soutos.
Tamén o o deputado do PP por Lugo e exvicepresidente da Xunta Francisco Conde, acompañado pola alcaldesa de Folgoso do Courel, a popular Lola Castro, e a deputada autonómica do PP Raquel Arias.•
Cargando ...
