A Xunta inviste 35.000 euros na mellora do parque infantil da Alameda de Chantada

O delegado territorial de Lugo, Javier Arias e o Alcalde de Chantada, Manuel Lorenzo Varela. Fotos GPXG.

O Concello de Chantada recibiu unha achega de 35.000 euros por parte da Xunta de Galicia para levar a cabo a ampliación e mellora do parque infantil situado na rúa Manuel Formoso Lamas, na alameda ao carón do río Asma e do paseo fluvial. O proxecto foi financiado a través da orde de axudas da Vicepresidencia primeira, que busca fomentar a creación e acondicionamento de infraestruturas municipais.
A actuación contemplou unha ampliación significativa da superficie do parque infantil, pasando dos 48 metros cadrados a case 120. Ademais, realizáronse diversas melloras, incluíndo a renovación do pavimento e a incorporación de novos elementos como tobogáns, balancíns e columpios. Un valado de madeira tamén foi instalado nunha parte do perímetro para garantir a seguridade.
A través deste programa de axudas, a Xunta colabora activamente cos concellos para crear e mellorar infraestruturas públicas. A convocatoria deste ano contou cunha dotación total de 3,5 millóns de euros. Javier Arias explicou que, no período comprendido entre 2020 e 2023, a Xunta concedeu ao Concello de Chantada un total de 137.200 euros a través desta orde de axudas, que foron destinadas a proxectos como a construción de vestiarios no complexo deportivo do parque Eloísa Rivadulla, a instalación de xogos infantís no parque de Sangoñedo e a creación de pistas de pádel na contorna do pavillón municipal.•

Deixa unha resposta

Your email address will not be published.

Nova Anterior

Polémica entre os socialistas e o equipo de goberno de Pantón a conta da subida do IBI

Seguinte Nova

Comeza o obradoiro dual de emprego dos concellos do Incio, A Pobra do Brollón e Bóveda

Últimas noticias sobre INICIATIVAS

A %d blogueros les gusta esto: