Concentración en defensa da sanidade pública

Foto Pili Chaos

A Plataforma en Defensa da Sanidade Pública da Zona Sur de Lugo celebrou con éxito a concentración previamente anunciada na praza de España, en Monforte, onte xoves ás 20h. A protesta, que contou cunha ampla participación cidadá, tiña como obxectivo denunciar a situación crítica que afecta á atención primaria no distrito, destacando a paralización case completa da actividade no centro de saúde de Monforte durante este mes.
A Plataforma ven alertando desde hai tempo sobre a precariedade que atravesa a atención primaria, e os centros de saúde de Monforte e arredores son un claro exemplo deste descalabro. No caso concreto de Monforte, os médicos pecharon axendas durante este mes e só atenden urxencias debido á falta de persoal, xunto coa anulación de citas sen previo aviso aos usuarios. A situación é particularmente crítica no servizo de pediatría, que leva moito tempo á deriva sen que se tomen medidas correctoras.
A Plataforma expresa a súa preocupación polo feito de que a situación se deba a permisos do persoal médico, como vacacións ou días libres, sen que se proporcione unha cobertura axeitada. Insisten en que os usuarios non deberían sufrir as consecuencias destes permisos e que é necesario garantir unha atención continua e de calidade. Os centros de saúde na contorna tamén sufriron as consecuencias deste desleixo. O centro de saúde de Bóveda estivo sen médico durante días hai apenas dúas semanas, e actualmente só conta con media enfermeira, xa que a titular debe atender tamén o centro de saúde de Rubián. Chantada, pola súa parte, protagonizou unha protesta hai unha semana, evidenciando a desatención no seu entro de saúde.•

Deixa unha resposta

Your email address will not be published.

Nova Anterior

O BNG denuncia a insostíbel situación da atención sanitaria no sur de Lugo

Seguinte Nova

Nadal en Chantada

Últimas noticias sobre SAÚDE

A %d blogueros les gusta esto: