A situación sanitaria en Chantada: promesas incumpridas e críticas cruzadas

Centro de Saúde de Chantada. Foto Arquivo

A situación da atención primaria en Chantada atópase nun punto crítico, cun centro de saúde que pasa por dificultades debido á falta de médicos. O Concello, nun pleno en setembro, solicitou á Consellería de Sanidade cobertura para os postos descubertos e melloras nos servizos.
O alcalde, Manuel Lorenzo Varela, asegura que a situación precaria foi abordada, indicando que a Xerencia asegurou contar con cinco médicos, a pesar das ausencias temporais. Por Chantada, mentres tanto, denuncia un deterioro progresivo da atención primaria e cuestiona as afirmacións do alcalde.
A sociedade organizouse na plataforma «Chantada Quere Sanidade», convocando mobilizacións e recollendo sinaturas. Por Chantada ctitica a resposta do alcalde e do goberno, acusándoos de se manteren á marxe do problema e de manipulación.
O alcalde responde que a situación non é exclusiva de Chantada e acusa a oposición de aproveitar politicamente a crise. O grupo Por Chantada, á súa vez, insta ao alcalde a actuar enerxicamente en defensa da sanidade, sen priorizar intereses partidistas. A polémica intensificouse co uso das redes municipais para comunicados partidistas. Por Chantada, critica que se use a institución para propaganda partidaria e acusa o alcalde de non interesarse polas concentracións da comunidade.
A poboación, afectada pola crise sanitaria, esixe solucións inmediatas. A atención primaria non pode converterse nun xogo político. A Plataforma «Chantada Quere Sanidade» continúa a súa loita pola saúde, agardando accións concretas e non só comunicados partidistas.•

Deixa unha resposta

Your email address will not be published.

Nova Anterior

Tempo de Nadal

Seguinte Nova

O BNG denuncia a insostíbel situación da atención sanitaria no sur de Lugo

Últimas noticias sobre SAÚDE

A %d blogueros les gusta esto: