O Alcalde de Monforte, José Tomé Roca, anunciou que iniciou os trámites oficiais para a visita do actual XXIII Conde de Lemos e XIX Duque de Alba, D. Carlos Fitz-James Stuart y Martínez de Irujo, a Monforte de Lemos. O rexedor monfortino enviou unha carta oficial ao Duque, formalizando a invitación que lle trasladara de maneira formal durante a presentación do libro «Vida y obra del VII Conde de Lemos, Don Pedro Fernández de Castro».
A invitación, que fora aceptada «de xeito gustoso» polo Duque de Alba durante a presentación do libro en Madrid, agora agarda unha resposta oficial por parte da Casa de Alba. Se a resposta for favorable, os seguintes pasos serán coordinar a data e os detalles da visita institucional á cidade.
A previsión inicial é que a visita oficial poida ter lugar na primavera-verán do vindeiro ano 2024. Durante o acto de setembro, o Duque de Alba manifestou o seu orgullo por ostentar o título de Conde de Lemos, considerándoo un dos máis grandes e antigos da Casa de Alba.
José Tomé expresou o seu desexo de que a visita do Duque de Alba sexa unha ocasión de orgullo para os monfortinos e monfortinas, e comprometeuse a informar puntualmente sobre os avances na organización deste evento. •
Cargando ...
