O Concello de Pantón vén de preparar a programación do Nadal con vistas á participación da veciñanza, sen esquecer a música e a diversión para toda a familia.
O programa festivo do Nadal arrancou o domingo 17 de decembro, cun concerto do Grupo Folk de Ribas de Sil no salón de actos da Casa da Cultura de Ferreira.
CONCURSOS E FESTIVAL DE NADAL
Ademais, o Consistorio anima á veciñanza a participar nos dous concursos deseñados para estas festas tan especiais. O Concurso de Beléns, destinado a asociacións, familias e persoas a título individual, ten aberta a inscrición ata o 23 de decembro. Con esta mesma data está convocado o Concurso de Postais de Nadal, destinado a nenos e nenas do municipio. As postais deben de incorporar nome, apelidos e idade da/do participante na parte posterior.
Por outra banda, o Festival de Nadal de Pantón terá lugar o venres 5 de xaneiro a partir das seis da tarde na Casa da Cultura. Os Reis recibirán aos nenos e nenas, que poden entregar as súas cartas, ou ben telas deixado no Buzón instalado estes días na Casa da Cultura. No Festival desenvolverase diversas actividades lúdicas.
Pola súa banda, o obradoiro Pequechef Pantón adicou as sesións deste mes á elaboración de galletas e doces especiais de Nadal. •
