A Xunta de Goberno da Deputación de Lugo aprobou este venres as bases da nova edición do programa Lugo Termal, reforzando o compromiso co benestar dos veciños e veciñas e impulsando a actividade turística termal. Segundo a Voceira socialista, Pilar García Porto, o programa contará con máis investimento, alcanzando os 91.000€, un incremento do 30%. Ademais, o número de prazas tamén aumentará dun 30%, pasando de 1.025 a 1.340. As bases serán publicadas o próximo luns no Boletín Oficial da Provincia e o prazo para as solicitudes abrirá o martes, 16 de xaneiro. As persoas interesadas deberán cubrir un impreso que estará dispoñible no BOP e na web da Deputación, presentándoo nun rexistro oficial ou na sede electrónica xunto coa fotocopia do DNI. O programa Lugo Termal ofrece descontos nos balnearios de Lugo, Pambre, Guitiriz e Pantón a persoas maiores de 50 anos da provincia, con posibilidade de levar un acompañante. Nesta edición, co aumento de prazas, pasarán de 1.025 a 1.340, superando a capacidade ofrecida pola Xunta para toda Galicia. Dos beneficiarios, 825 terán estancia e 515, sen estancia. Os descontos varían entre un 10 e un 20%, dependendo da modalidade (con ou sen estancia), e inclúen diversas técnicas e tratamentos para as persoas usuarias. O programa, na súa duodécima edición, reforza a súa importancia non só como axuda ao benestar dos veciños, senón tamén como motor do turismo termal na provincia.•
Cargando ...
