Teatro en Monforte: O Auto do Castromil

O xoves 25 de xaneiro coa obra O auto de Castromil, o concello de Monforte de Lemos inicia a súa a programación de teatro da Rede Galega de Teatros e Auditorios-AGADIC-Galescena para o primeiro semestre do ano 2024. A compañía teatral Excéntricas gañou con esta obra o III concurso de proxectos convocado pola Fundación Manuel María. O auto do Castromil, destaca pola súa proposta inovadora e a participación dun elenco de primeira categoría, encabezado por Rocio González, Victor Mosqueira, Marcos Orsi e Patricia Vázquez. A trama da obra desenvólvese nunha viaxe onírica a bordo dun coche de liña. Os viaxeiros, xunto co posible durminte condutor, ven como as súas maletas e bagaxes toman vida, amotinándose para relatar unha fascinante historia de Galiza. A través de autos populares e farsas do autor chairego, a peza busca combater a amnesia colectiva, ofrecendo unha visión alucinada da loita dun pobo que, a pesar das derrotas, ergue a cabeza e se rebela de novo. A obra reflicte unha rebelión na que o humor e o espírito antroidesco son as armas principais. O auto de Castromil mergúllase nunha Galiza que loita, sobrevive e renace, proporcionando un espectáculo visual e narrativo que impacta á audiencia.

Deixa unha resposta

Your email address will not be published.

Nova Anterior

Monforte acollerá o Foro para Impulsar o Desenvolvemento Empresarial da Provincia de Lugo

Seguinte Nova

O Quixós despediu o ano cos descensos do Lor e do Cabe

Últimas noticias sobre CULTURA

A %d blogueros les gusta esto: