Xa está operativo para todos os gandeiros interesados o servizo de matadoiro móbil

O servizo estará plenamente operativo a partir do vindeiro venres, día 19 de xaneiro, tras completar a etapa de formación do persoal e de axustes técnicos, e de realizar as primeiras probas. Foto GPXG.

Desde esta mesma semana, os gandeiros galegos dispoñen dunha ferramenta innovadora co novo matadoiro móbil da Xunta, operativo tras un investimento de 1,7 millóns de euros. O conselleiro do Medio Rural, José González, destacou o compromiso coas pequenas explotacións e a busca da mellora do benestar animal no rural galego. Os gandeiros interesados en facer uso do matadoiro móbil da Xunta poderán solicitalo a través do teléfono 982 251 201.
Presentada en Chantada a finais do pasado mes de novembro, estamos ante unha iniciativa que é pioneira en España e busca facilitar o sacrificio de gando ovino, cabrún e porcino en explotacións de pequeno tamaño, localizadas en zonas afastadas de grandes núcleos. O servizo, con prezos razoables que oscilan entre 10 e 50 euros, procura optimizar a xestión e rendibilidade das explotacións, reducindo custos de transporte e mellorando a calidade da carne.
Unha decena de traballadores atenderán o matadoiro móbil, que conta cunha unidade móbil de sacrificio e unha instalación base en Chantada. Ademais, proximamente, lanzarase unha marca de certificación de calidade para os produtos resultantes, destacando a proximidade e o benestar animal.
Este servizo, xa dispoñible tras a posta en marcha, representa un paso máis na revitalización das áreas rurais, ofrecendo un recurso vital para os gandeiros que atopaban complicacións en zonas remotas. Ademais do teléfono específico estará dispoñible un acceso web. a Xunta de Galicia está tratando de simplificar o proceso e facilitar a petición de citas, demostrando o seu compromiso coa modernización e dinamización do rural galego.•

Deixa unha resposta

Your email address will not be published.

Nova Anterior

Iker Casillas déixase ver por Sober a comezos de ano

Seguinte Nova

Rematan os traballos de conservación e mellora no Viveiro Os Trollos

Últimas noticias sobre INICIATIVAS

A %d blogueros les gusta esto: