A Libraría da Proencia, comprometida coa promoción da literatura galega, destacará dúas recentes obras no seu Club de Lectura. O 30 de xaneiro, presentarase «Ou as dúas estaredes mortas» de Xosé M. Eyré, un fascinante compendio de minicontos, que contará coa presenza do seu autor. O 3 de febreiro, será a quenda de «Diario de dúas casas» de María Villamarín, unha obra que mestura ensaio e diario, explorando a vida entre dúas casas, unha en Santiago e outra nunha aldea da Limia. A distancia entre a cidade e a aldea, a conciliación entre dous mundos e a escrita como fío condutor son temáticas centrais desta obra, que reflexiona sobre fisuras familiares, amizade e lectura como refuxio.Ambos eventos terán lugar ás 18 h, na Biblioteca Pública Municipal de Sober e na Aldaba de Rosende, respectivamente. O acceso é libre, e para disfrutar dun pincho e viño en Rosende, inscríbete antes do 1 de febreiro en pedidos@proencialibros.com ou chamando ao 674938803 (prezo: 6 €).•
Cargando ...
