O presidente do PPdeG, Alfonso Rueda, xunto cos 19 membros da candidatura pola provincia de Lugo, quixeron poñer de manfesto que a súa e unha política dos feitos, non das promesas. Fronte á muralla de Lugo, destacaron o compromiso coa realidade e presentaron un proxecto centrado en Galicia. A candidatura, encabezada por Elena Candia, promete unha campaña de proximidade, levando o proxecto de Alfonso Rueda aos lucenses.
O seu obxectivo, según declaran, é garantir un goberno estable e con sentidiño, traballando desde a honestidade e defendendo os intereses dos galegos fronte a un posible multipartito vinculado a Sánchez e ao independentismo.
Elena Candia considera que a do PP, é unha política realista, centrada en medidas concretas, cumprindo a palabra e apoiando o desenvolvemento da provincia. Destacou a importancia do compromiso co mar e os produtos pesqueiros, esixindo coidado coa reputación destes.
Alfonso Rueda, presentándose coa candidatura, solicitou apoio para seguir gobernando e contar á xente os feitos e proxectos. Subliñou a necesidade de seguir potenciando o rural e favorecer a remuda xeracional. Apostou por unha Galicia equilibrada e con sentidiño.
Na presentación, Rueda rexeitou a política de barullo e promesas, contrapondo a política dos feitos do PPdeG. En clave electoral, subliñou a importancia de traballar con feitos e non perderse en cuestións que non solucionan nada.
Candia ofreceu unha campaña de proximidade e honestidade, chamando á mobilización para apoiar a Rueda. Criticou a visión do PSOE sobre o rural e defendeu o compromiso do PP coa zona. Tamén destacou o legado do BNG en Lugo e a cultura sectaria na súa xestión.
REUNIÓN COMARCAL DO PP EN SARRIA
O PP de Lugo resaltou o compromiso da Xunta de Galicia coa vertebración da provincia e a seguridade viaria, evidenciado coa conversión do corredor de Sarria en autovía. Despois de poñer en marcha 11 km entre A Pobra de San Xiao e Sarria sur, cun investimento de 25M€, o Goberno de Alfonso Rueda proxecta continuar co desdobramento nos 16 km entre A Pobra de San Xiao e Nadela, coa previsión de destinar 35,5 M€ nos próximos anos.
Na reunión de traballo coa candidatura e membros do PP da comarca de Sarria, a presidenta provincial Elena Candia subliñou a importancia de dotar aos lucenses de infraestruturas do século XXI para o desenvolvemento da provincia. O PP destaca que a Xunta constrúe vías de altas capacidades sen implantar peaxes, ao contrario do Goberno central.
Os populares critican a subida de peaxes por parte do Goberno de Sánchez e apostan por conxelar as existentes. O corredor Lugo-Sarria-Monforte, con investimento de 135M€ desde 2009, converteuse nunha infraestrutura clave para conectar Lugo e Monforte de Lemos en aproximadamente 45 minutos. O PP resalta a súa contribución ao desenvolvemento e vertebración da provincia.
INTERPARLAMENTARIA
O presidente do PPdeG, Alfonso Rueda, comprométese a construír unha España unida, poñendo Galicia como parte da solución e rexeitando conflitos. Subliña que Galicia é unha terra orgullosa da súa identidade e españolidade, destacando que o modelo galego é ser galego e español. Rueda destaca o papel de Galicia como solución para España e rexeita a confrontación, propondo esixencia, lealdade e evitar submisión.
Rueda critica a política de barullo e muros doutros e aposta por poñer sentido común ante desprezos do Goberno central. Chama á unión entre comunidades autónomas e destaca as eleccións como oportunidade para elixir o modelo galego. Subliña a normalidade de Galicia fronte á inestabilidade doutras rexións e rexeita a inxerencia do nacionalismo. Apela ao respecto ás diferenzas e a preservación da igualdade.
Alfonso Rueda comprométese a “seguir poñendo sentidiño, tendendo pontes e indo da man co resto de España” alá onde outros “só propoñen barullo, muros e fronteiras artificiais”
O presidente do PPdeG destaca a valentía dos mariñeiros ante bulos e falsidades e chama a seguir o modelo galego afastado do nacionalismo. Conclúe chamando a traballar con convencemento cara ao 18 de febreiro.•
Cargando ...
