Axudas para conciliación e igualdade en concellos de Lugo: convocatoria aberta con 10,5 millóns de euros

A secretaria xeral da igualdade, Sandra Vázquez, durante o encontro con representantes dos municipios na delegación territorial da Xunta en Lugo. Foto GPXG.

A secretaria xeral da Igualdade, Sandra Vázquez, reuniuse este mércores coas autoridades municipais na delegación territorial da Xunta en Lugo para informar sobre a convocatoria aberta de axudas para apoiar programas destinados á conciliación, corresponsabilidade, e promoción da igualdade. As tres liñas de financiamento totalizan 10,5 millóns de euros.

CONCELLOS, CONSORCIOS E MANCOMUNIDADES
As entidades beneficiarias, como concellos, consorcios ou mancomunidades, dispoñen ata o 8 de febreiro para presentar as súas solicitudes de achega. O programa, accesible de xeito individual ou compartido, abrangue medidas para favorecer a conciliación e a corresponsabilidade no eido local. Na primeira liña, destinada a conciliación e corresponsabilidade, investiranse 6 millóns de euros, priorizando familias monoparentais, vítimas de violencia de xénero, desempregadas de longa duración, mulleres maiores de 45 anos ou con outras circunstancias relacionadas cos coidados. As axudas locais poden chegar a 150.000 euros en solicitude individual e ata 225.000 euros en xestión compartida.
Esta liña inclúe apoio a bolsas de coidado profesional, habilitando servizos no domicilio ou en dependencias públicas. Tamén se conceden axudas para plans de sensibilización e formación en corresponsabilidade e coidados.
A segunda liña, dotada con preto de 4,5 millóns de euros, está dirixida a apoiar o labor dos Centros de Información á Muller (CIM) en Galicia. Cada entidade local pode recibir como máximo 45.000 euros, chegando a 120.000 euros no caso de solicitudes conxuntas. A terceira liña, con 500.000 euros, financia accións para promover a igualdade e prevención da violencia de xénero. As entidades locais poden recibir ata 15.000 euros en solicitude individual e 28.000 euros en xestión compartida. Estes apoios formalízanse con anticipos do 80% da axuda concedida, facilitando ás entidades locais o desenvolvemento das súas accións. A iniciativa busca fortalecer o compromiso coa igualdade e a conciliación no eido local, avanzando cara a unha sociedade máis xusta e equitativa.•

Deixa unha resposta

Your email address will not be published.

Nova Anterior

Monforte mellorará a sinalización nos pasos de peóns coa incorporación de farolas e catadióptricos

Seguinte Nova

Implántase o novo Plan de Recollida de lixo orgánico en Monforte

Últimas noticias sobre SOCIEDADE

A %d blogueros les gusta esto: