Axudas para o carné de conducir: un empuxón laboral para a mocidade galega

O presidente da Xunta, Alfonso Rueda, vén de destacar a importancia da nova convocatoria de axudas para apoiar a mocidade galega na obtención do carné de conducir de coche, camión e autobús. A iniciativa busca facilitar o acceso ao emprego e ofrecer saídas laborais diante da elevada demanda de condutores profesionais. Fíxoo durante a súa visita a unha autoescola en Ourense, onde interaccionou co alumnado e profesorado, Rueda subliñou que o carné de conducir é un requisito esencial en moitos trabllos, representando un medio para mellorar as oportunidades laborais dos mozos e mozas. «Hoxe en día, ter o carné de conducir é unha ferramenta fundamental para acceder a un traballo, pero tamén supón un esforzo económico para a xente moza e as súas familias», indicou o mandatario galego. A cuarta convocatoria, publicada no Diario Oficial de Galicia, aceptará solicitudes dende xa ata o 30 de setembro ou ata esgotarse o crédito. As axudas, dirixidas á mocidade de 18 a 30 anos sen traballo, proporcionarán entre 400 e 1300 euros para aliviar parte dos custos asociados á obtención dos carnés de conducir. Nesta edición, tamén se permite solicitar a axuda para quen obtivo o carné no 2023, xa que no ano pasado non se convocaron estas axegas. Rueda cualificou a orde de axudas como «potente e atinada», destinando 800.000 euros a esta iniciativa. Esta medida enmarca os esforzos da Xunta por consolidar Galicia como un dos mellores lugares para vivir e traballar, promovendo accións que faciliten á mocidade o acceso a empregos estables e de calidade.•

Deixa unha resposta

Your email address will not be published.

Nova Anterior

Inxección de 47 millóns de euros no campo galego: axudas para modernización e emprego agrario

Seguinte Nova

Abracadáver, un espectáculo de circo en Sarria

Últimas noticias sobre AXUDAS

A %d blogueros les gusta esto: