A Base de Unidade Operativa (BUO) de Quiroga rematou as súas obras de reforma, cun investimento total preto de 75.000 euros. No marco do Plan de Mellora de Infraestruturas da Consellería do Medio Rural para o período 2021-2026, leváronse a cabo acondicionamentos en diversas áreas do edificio, incluíndo vestiarios, duchas, zonas de descanso, almacéns e garaxes.
Estas melloras buscan favorecer a conciliación entre o descanso e o traballo dos bombeiros e axentes, proporcionando instalacións máis cómodas e funcionais. O proxecto, financiado íntegramente a través de fondos Feder React da Unión Europea, fortalece as capacidades operativas da base e mellora as condicións laborais do persoal.
Con estas reformas, poténciase a eficiencia e a calidade das instalacións.•
