Peche cautelar do Pub Valhalla por incumprimentos recorrentes de horarios

O peche do Pub Valhalla, súmase a outro recente na mesma rúa Duquesa de Alba, a que fora unha das máis movidas de Galicia nos oitente, e que agora languidece sen apenas locais de ocio nocturno. Foto ARQUIVO.

O Alcalde de Monforte, José Tomé Roca, informa que a Xunta de Goberno Local do pasado luns 15 de xaneiro aprobou pechar cautelarmente o local de hostalería situado na rúa Duquesa de Alba, específicamente os locais 1 e 2 do número 18, debido a reiterados incumprimentos nos horarios de peche.
O Alcalde explica que, durante os anos 2022 e 2023, ao mencionado local foron tramitadas 9 sancións, todas elas por incumprimento do horario de peche establecido. A Lei 10/2017 de espectáculos públicos e actividades recreativas de Galicia cualifica estas denuncias como unha infracción grave, o que conleva adoptar medidas provisionais, previas ao inicio do expediente sancionador, como o peche cautelar e o precinto do local.
Na Xunta de Goberno Local, aprobouse o peche cautelar do local na rúa Duquesa de Alba nº 18 debido á incoación do expediente sancionador por infraccións graves relacionadas con reiterados incumprimentos nos horarios de peche, especialmente 9 nos últimos 2 anos.
Axentes da Policía Local notificaron este acordo ao titular do local o xoves 18 de xaneiro ás 18:10 horas, e posteriormente procederon ao precintado do establecemento, tamén o día de onte ás 20:22 horas.
Este peche cautelar está respaldado pola Lei 10/2017 de espectáculos públicos e actividades recreativas de Galicia, así como outras normativas relacionadas co horario de apertura e peche de establecementos ao público e o inicio e remate de espectáculos públicos e actividades recreativas.
José Tomé Roca, o Alcalde, subliñou que «no presente caso resulta necesario a adopción deste tipo de medidas para evitar que se sigan a producir no tempo prexuízos derivados da comisión reiterada das presuntas infraccións de incumprimento de horarios, situación que ven a provocar molestias reiteradas na veciñanza da zona de Duquesa».
A Xunta de Goberno Local acordou por unanimidade adoptar a medida provisional, previa ao inicio de expediente sancionador, de peche cautelar e precinto do local sito na Rúa Duquesa de Alba nº 18, Locais 1 e 2, tras a recepción de máis de tres denuncias feitas por actas da Policía local por presuntos incumprimentos do artigo 33.d) da Lei 10/2017 de espectáculos públicos e actividades recreativas de Galicia, que cualifica dita infracción como grave.•

Deixa unha resposta

Your email address will not be published.

Nova Anterior

O monfortino Javier Pérez, novo director xeral de Renfe Viaxeiros, S.A.

Seguinte Nova

Declarado de utilidade pública o Polígono Agroforestal de Sabadelle en Chantada

Últimas noticias sobre LECER

A %d blogueros les gusta esto: